प्रस, वीरगंज, २१ जेठ/
जिल्ला प्रहरी कार्यालय, रौतहटले चोरीको पानी तान्ने मोटरसहित एकजनालाई पक्राउ गरेको छ।
जेठ १३ गते ना.२च ४३७३ नम्बरको पिकअप गाडीबाट ८ थान मोटर चोरी गरेको आरोपमा प्रहरीले गौर नगरपालिका–१ बस्ने २६ वर्षीय दीपेन्द्र पासवानलाई पक्राउ गरेको छ।
प्रहरीले चोरी भएका ७ थान मोटर खेतबाट जेठ १६ गते बरामद गरेको थियो भने १८ गते पासवानले साइकलमा एउटा मोटर राखेर लगिरहेको देखेपछि पासवानलाई पक्राउ गरेको हो। सोधपूछको क्रममा उक्त मोटर आफूले खेतमा लुकाएको बताएका थिए। पक्राउ परेका पासवानलाई रौतहट जिल्ला अदालतबाट ८ दिने म्याद थमाइ अनुसन्धान भइरहेको प्रहरीले जनाएको छ।
