करेन्ट लागेर महिलाको मृत्यु

प्रस, सप्तरी, २० जेठ/

डाक्नेश्वरी नगरपालिकामा बिहीवार एकजना महिलाको करेन्ट लागेर मृत्यु भएको छ।

तरकारी टिप्न खेतमा गएकी डाक्नेश्वरी नगरपालिका–३ तरहिकी ५५ वर्षीया इनरदेवी रायको करेन्ट लागेर मृत्यु भएको पूर्व गाविस अध्यक्ष शोभानन्द रायले बताए।

जङ्गली जनावरबाट सुरक्षाको लागि खेतमा बिछ्याइएको नाङ्गो तारमा करेन्ट लागेर महिलाको मृत्यु भएको मृतकका पति रामवृक्ष रायले बताए। शव परीक्षणका लागि गजेन्द्रनारायण सिंह अस्पताल, राजविराजमा लगिएको प्रहरीले जनाएको छ।