प्रस, परवानीपुर, १३ जेठ/
बारा प्रहरीले ठूलो परिमाणमा गाँजा बरामद गरेको छ। प्रहरी चौकी पथलैयाको टोलीले पथलैयाको रामरहिम ग्यारेजमा पार्क गरिएको ना ४ ख २९७९ नम्बरको इन्धन ढुवानी गर्ने ट्याङ्करबाट गाँजा बरामद भएको बारा प्रहरीले जनाएको छ।
काठमाडौंबाट भारत, बिहारको बरौनीको आइओसी डिपोमा पेट्रोल बोक्न जाँदै गरेको ट्याङ्करमा गाँजा छ,भनी सूचना पाएपछि ग्यारेजमा मरम्मतको लागि र्पािर्कङ गरिराखेको ट्याङ्करबाट रातो प्लास्टिकको १९ वटा प्याकेट २ सय १८ किलो गाँजा बरामद भएको बारा प्रहरीका प्रवक्ता डिएसपी गौतम मिश्रले जानकारी गराए। उनका अनुसार प्रहरीले गाडी र चालक महोत्तरी, र्बिर्दवास नपा–८ का घनश्याम गिरी, सहचालक चितवन खैरहनी नपा–२ का राजकुमार दवाडीलाई नियन्त्रणमा लिएको जनाएको छ।
