लागूऔषधसहित दुईजना पक्राउ

प्रस, वीरगंज, ११ वैशाख/

जिल्ला प्रहरी कार्यालय, पर्साले ८८ बोतल लागूऔषधसहित दुईजनालाई पक्राउ गरेको छ।

वीरगंज महानगर–१७ अलौंस्थित खाली जमीनमा लुकाइ राखिएको ८८ वटा बोतल विनसिरेक्ससहित वीरगंज–१७ बस्ने ३५ वर्षीय अमरुल्लाह अन्सारी र ४० वर्षीय सकुन नेशा पवरियालाई  पक्राउ गरेको जिप्रका, पर्साले जनाएको छ। उनीहरूले भारतबाट सो लागूऔषध खरीद गरी नेपालमा बिक्री गर्ने उद्देश्यले ल्याएको प्रहरीले जनाएको छ। पक्राउ परेका दुवैजनालाई लागूऔषध मुद्दामा अदालतबाट म्याद थप गरी अनुसन्धान भइरहेको प्रहरीले जनाएको छ।