प्रस, सेढवा, ९ जेठ/
सशस्त्र प्रहरीले भारतबाट भित्रिएका ४७ वटा राँगा/भैंसी नियन्त्रणमा लिएको छ।
सशस्त्र प्रहरी बल १३ नम्बर गणको गस्ती टोलीले जीराभवानी गाउँँपालिका–५ सखुवनियाबाट ३२ वटा, सशस्त्र प्रहरी बोर्डर आउटपोस्ट महादेवपट्टिले जीराभवानी गाउँपालिका–३ को जीतपुरबाट ८ वटा र सशस्त्र प्रहरी बोर्डर आउटपोस्ट भिखमपुरको गस्ती टोलीले जीराभवानी गापा–३ कै परसवाबाट ७ वटा गरी जम्मा ४७ वटा राँगा/भैंसी आइतवार बिहान तीन बजे बरामद गरेको थियो। सीमा सिल भएको अवस्थामा राँगा/भैंसी तस्करहरू सक्रिय भएको सूचनाको आधारमा छापामारी गर्दा आइतवार बिहानै तीन स्थानबाट ४७ वटा राँगा/भैंसी बरामद भएको सशस्त्र प्रहरी उपरीक्षक राजेन्द्र खड्काले बताए। उनले बरामद राँगा/भैंसी वीरगंज भन्सार कार्यालय चलान गरिने बताए।
