प्रस, वीरगंज, ५ जेठ/
वीरगंज महानगरपालिकाको सुक्खा बन्दरगाह चोकमा मालवाहक ट्रकको ठक्करबाट बुधवार दिउँसो एकजना गम्भीर घाइते भएको वडा प्रहरी कार्यालय श्रीपुरले जनाएको छ ।
पर्सागढी नगरपालिका-८ हरपुर निवासी ४५ वर्षीय प्रह्लादप्रसाद यादव घाइते भएको प्रहरीले जनाएको छ । सुक्खा बन्दरगाहबाट सामान लोड गरेर बाहिरिरहेको ना.६ख ३२९१ नम्बरको ट्रकले प्रदेश-२-०३०११ प १३०६ नम्बरको मोटरसाइकललाई आज दिउँसो ३ बजे ठक्कर दिएको थियो ।
ट्रकको ठक्करबाट मोटरसाइकल पूणर्रूपरूपमा क्षतिग्रस्त भएको छ । ट्रक र चालक प्रहरी नियन्त्रणमा छ भने घाइते यादवको उपचार नारायणी अस्पतालमा भइरहेको छ । घाइतेको अवस्था गम्भीर रहेको बताइएको छ । घाइते यादवकी बुहारी नारायणी अस्पतालमा उपचारार्थ भर्ना रहेकी र उनलाई भेटर घर फर्कने क्रममा ट्रकको ठक्करबाट यादव घाइते भएको प्रहरीले जनाएको छ ।
