प्रस, वीरगंज, १८ वैशाख/
नारायणी अस्पताल र नेशनल मेडिकल कलेज कोरोना विशेष अस्पतालमा शनिवार दुईजना सङ्क्रमितको मृत्यु भएको छ। जिल्ला प्रशासन कार्यालय पर्साका प्रशासकीय अधिकृत विनयकुमार श्रीवास्तवले नारायणी अस्पतालमा वीरगंज महानगरपालिका–८ निवासी ७
० वर्षीया महिलाको मृत्यु भएको बताए। सङ्क्रमित महिलाको पिसिआर रिपोर्ट वैशाख १६ गते पोजिटिभ आएको र उनलाई अस्पतालमा भर्ना गरिएकोमा शनिवार दिउँसो १२ बजे मृत्यु भएको बताए।
यसअघि नेशनल मेडिकल कलेज कोरोना विशेष अस्पतालमा वीरगंज महानगरपालिका–७ निवासी ६० वर्षीय पुरुषको शनिवार बिहान ६ बजे मृत्यु भएको उनले बताए। वैशाख १५ गते पिसिआर रिपोर्ट पोजिटिभ आएपछि ती पुरुषलाई नेशनल मेडिकल कलेजको कोरोना विशेष अस्पतालमा भर्ना गरिएको थियो।
