पूर्वराजपरिवारको स्वास्थ्यलाभको कामना

प्रस, वीरगंज, १६ वैशाख/
पूर्वराजपरिवार दम्पतीको स्वास्थ्यलाभको लागि राजावादीहरूले गढीमाई मन्दिरमा पूजापाठ गरेका छन्।
राजावादीहरूले राजपरिवारका सदस्यहरूको स्वास्थ्यलाभको लागि पूजाअर्चना, होम गरेको शिवजी साहले बताए। भारतको हरिद्वारको महाकुम्भ मेलामा स्नान गर्न गएका बेलामा पूर्वराजपरिवारका सदस्यहरू कोरोना सङ्क्रमित भएको र उनीहरूको स्वास्थ्यलाभको कामनासहित पूजापाठ गरिएको राजावादी बृजकिशोर साहले जानकारी गराए।