सञ्चारकर्मीलाई मास्क/सेनिटाइजर सहयोग

प्रस, वीरगंज, १२ वैशाख/
साइक्लिङ क्लबले पत्रकारहरूलाई मास्क र सेनिटाइजर उपलब्ध गराएको छ। नेपाल पत्रकार महासङ्घ, पर्साका अध्यक्ष अनुप तिवारीलाई साइक्लिङ क्लबका अध्यक्ष सञ्जय अग्रवालले ३ हजार थान मास्क र ५० थान सेनिटाइजर उपलब्ध गराएका हुन्।

समाचार सङ्कलनमा खट्ने पत्रकारहरूलाई कोरोना सङ्क्रमणबाट जोगाउन मास्क र सेनिटाइजर आवश्यक पर्ने हुँदा सहयोग गरेको अध्यक्ष अग्रवालले बताए। कार्यक्रममा पत्रकार महासङ्घका सचिव भूषण यादव, कोषाध्यक्ष सञ्जीव मिश्र र क्लबका सचिव अनुप अग्रवाललगायतको सहभागिता थियो।