कटुवा बन्दूकसहित दुईजना युवक पक्राउ

प्रस, वीरगंज, ११ चैत/
पर्सा प्रहरीले कटुवा बन्दूकसहित दुईजना युवकलाई पक्राउ गरेको छ।
जिल्ला प्रहरी कार्यालय, पर्सा र प्रदेश प्रहरी कार्यालय जनकपुरको टोलीले वीरगंज महानगर–१३ श्रीपुर रोडमा हिंडिरहेका दुईजना युवकलाई खानतलाशी गर्दा उनीहरूबाट एक थान कटुवा बन्दूक बरामद भएपछि निजहरूलाई पक्राउ गरिएको प्रहरीले जनाएको छ। वीरगंज महानगर–२४ श्रीसिया बस्ने २७ वर्षीय दीपेन्द्र साह र २३ वर्षीय सनोज गुप्तालाई कटुवा बन्दूकसहित पक्राउ गरिएको प्रहरीले जनाएको छ।