लुटिएको ट्रकसहित चारजना पक्राउ

राजेश केसरीवाल, रक्सौल, ३ चैत/
भारत, बिहारको रक्सौल र बरेली प्रहरीले लुटिएको ट्रकसहित चारजनालाई पक्राउ गरेको छ।
१८ फेब्रुअरीका दिन शिवम् रिफाइनरी प्रालिबाट बरेलीतर्फ गइरहेको भारु २१ लाख मूल्य बराबरको सोयाबिन तेल लोड भएको ट्रक गन्तव्यमा पुग्नुभन्दा पहिले गायब भएको थियो।
रक्सौल र बरेली प्रहरीको टोलीले अनुसन्धान गर्ने क्रममा ट्रक बरामद गर्नुका साथै ६८३ टीन रिफाइनरी तेल र भारु ७ लाख ४० हजार नगदसहित चारजनालाई पक्राउ गरी अनुसन्धान गरिरहेको इन्स्पेक्टर रणधीर कुमारले जानकारी गराए।