प्रस, वीरगंज, ३ चैत/
जनता समाजवादी पार्टीका नेता शिव पटेलले मङ्गलवार बहुदरमाई नगरपालिकाका क्रिकेट खेलाडीहरूलाई पोशाक एवं खेल सामग्री वितरण गरेका छन्।
नेता पटेलका बुबा स्व रामबहादुर राउत कुर्मीको नाममा स्थापित “रामबहादुर राउत फाउन्डेशन”मार्फत सो सामग्री वितरण गरिएको क्रिकेट टीमका कप्तान रामेश्वर पटेलले बताए।
कार्यक्रममा नेता पटेलले बहुदरमाई नगरपालिका क्षेत्रभित्रका खेलाडीको मनोबल बढाउन आफू सदैव सहयोग गर्न तत्पर रहेको बताउँदै खेलाडीलाई सभ्य र भव्यरूपले प्रतियोगितामा प्रदर्शन गर्न शुभकामनासहित जीत हासिल गर्न आग्रह गरे।
