स्रोत नखुलेको नगदसहित युवक पक्राउ
प्रस, वीरगंज, १७ फागुन/
जिल्ला प्रहरी कार्यालय, पर्साले स्रोत नखुलेको तीन लाख २० हजारसहित एकजना भारतीय युवकलाई पक्राउ गरेको जनाएको छ।
भारत, रक्सौलबाट वीरगंजतर्फ मोटरसाइकलमा आइरहेका मोतीहारी थाना, सुगौली बस्ने २५ वर्षीय सोनु साहलाई रजतजयन्ती चोकबाट आइतवार साँझ प्रहरीले पक्राउ गरेको हो। उनको साथबाट रु ३ लाख १२ हजार र भारु ५ हजार २ सय बरामद भएको प्रहरीले जनाएको छ। प्रहरीले साहलाई बैंक तथा वित्तीय संस्थासम्बन्धी कसूरमा ५ दिनको म्याद थमाइ अनुसन्धान गरिरहेको जनाएको छ।
