प्रस, वीरगंज, ८ साउन/वीरगंज कपडा बैंकले पर्साको धोबिनी गापा–५ जगरनाथपुरका आगलागी पीडितलाई राहत प्रदान गरेको छ ।बैंकका संरक्षक सुरेन्द्रप्रसाद कुर्मी, अध्यक्ष लालबाबू सिंहसमेत बैंकका मनोज मिश्र, प्रकाश उपाध्यायले आगलागीपीडित अशेसर दासलाई दुई बोरा लत्ताकपडा, दुई थान कम्बल, झुल, ओछ्याने म्याट र नगद साढे छ हजार रुपैयाँ सहयोग गरेका थिए । धोबिनी गापा–५ जगरनाथपुर टोलमा गत असारमा चट्याङबाट दासको घरमा आगलागी भएर घरभित्रका नगद, जिन्सी, खाद्यान्न आदि सबै नष्ट भएको थियो ।
