चौधरीको स्मृतिमा पत्रकारिता पुरस्कार घोषणा

प्रस, गरुडा, १० जेठ/

नेपाल पत्रकार महासङ्घ, रौतहट शाखाले कोरोना सङ्क्रमणबाट मृत्यु भएका पत्रकार मनोज चौधरीको स्मृतिमा पत्रकारिता पुरस्कार घोषणा गरेको छ।

शाखा सचिव मदन ठाकुरले विज्ञप्ति जारी गर्दै स्व चौधरीको स्मृतिमा मनोज चौधरी स्मृति पत्रकारिता पुरस्कार रु २५ हजार राशिको स्थापना गरेको जानकारी गराएका छन्।

विज्ञप्तिमार्फत उनले पुरस्कार स्व चौधरीको निधन भएको दिन वैशाख २९ गते प्रदान गरिने जानकारी गराए।

स्व चौधरी रौतहटबाट प्रसारित रेडियो मधेस मसलाका स्टेशन मैनेजर थिए।