प्रमोद यादव, पंचगावाँ, ११ पुस/
लागूऔषध मुद्दामा फरार रहेका दुईजना अभियुक्तलाई इलाका प्रहरी कार्यालय, पटेर्वासुगौलीले पक्राउ गरेको छ ।
स्म्याकसहित एक वर्ष अघि पक्राउ परेका मन्जुर राम र हृदयनारायण पटेल धरौटीमा रिहा भएपनि अदालतको तारिख तोडेर फरार भएका थिए । इप्रका, पटेर्वासुगौलीका प्रहरी निरीक्षक मोहनजङ्ग बुढाथापाले उनीहरूलाई बिहीवार बिहान निचुटाचोकबाट पक्राउ गरेका थिए ।
पक्राउ परेका राम र पटेललाई पर्सा जिल्ला अदालतमा बुझाइने प्रनि बुढाथापाले बताए ।
