पूर्वयुवराज्ञी हिमानीको जन्मदिन मनाइयो

प्रस, वीरगंज, १५ असोज/
पूर्वयुवराज्ञी हिमानी राज्यलक्ष्मी शाहको ४९औं जन्मदिन मङ्गलवार बिहान वीरगंजमा कार्यक्रमको आयोजना गरी मनाइएको छ ।

जन्मदिनको अवसरमा देशभक्त राजभक्त समूहले महावीर मन्दिरमा शुभकामना कार्यक्रम राखेर मनाएको हो । समूहका अध्यक्ष दीपेन्द्र रौनियारको अध्यक्षतामा भएको कार्यक्रममा सतीश श्रीवास्तव, पशुपति विक्रम शाह, उषा शाह, वीरेन्द्र थापा, अञ्जु राणा, सिके पटेलललगायतले पूर्वयुवराज्ञी शाहको तस्वीरमा माल्यार्पण गरेर जन्मदिनको शुभकामना व्यक्त गरेका थिए ।