प्रस, वीरगंज, १३ असोज/
पर्सा जिल्लाको धोबिनी गाउँपालिका–२ आसवारी घर भई हाल वीरगंज महानगरपालिका–१३ राधेमाई निवासी नितेश र सतीश गुप्ता पूर्ण छात्रवृत्तिमा एमबिबिएस अध्ययन गर्दैछन् ।
वीरगंज–११ दुर्गाटोलस्थित अल्पाइन माध्यमिक विद्यालयका छात्र सतीश गुप्ताले एनइइटी परीक्षा पास गरेर भारत, आगराको सरोजिनी नायडू मेडिकल कलेजमा एमबिबिएसमा पूर्ण छात्रवृत्तिमा भर्ना भएका छन् भने सोही विद्यालयमा अध्ययन गर्ने उनका दाइ नितेश गुप्ता पूर्ण छात्रवृत्तिमा अहिले पोखराको मणिपाल कलेज अफ मेडिकल साइन्समा अध्ययन गरिरहेका छन् ।
एउटै परिवारबाट दुईजना मेडिकलमा पूर्ण छात्रवृत्तिमा अध्ययन गरिरहेकामा अल्पाइन माविका सञ्चालक विनोद उपाध्यायले खुशी व्यक्त गरे । एकै परिवारका आफ्नो विद्यालयमा अध्ययनरत दुई दाइभाइ पूर्ण छात्रवृत्तिमा एमबिबिएसको अध्ययन गरिरहेकामा खुशी व्यक्त गर्दै सञ्चालक उपाध्यायले अन्य विद्यार्थीहरूलाई पनि लगन र जोशका साथ अध्ययन गने आग्रह गरेका छन् ।
