प्रस, वीरगंज, २३ भदौ/
कबीर साहेबको अवतरण दिवस भव्यताका साथ सम्पन्न भएको छ । दिवसको अवसरमा सन्त रामपालजी महाराजका अनुयायीहरूद्वारा सतलोक आश्रम धनुषामा तीन दिनसम्म अखण्ड पाठ, विशाल भण्डारा, कबीर साहेबको तस्वीर प्रदर्शनी गरी मनाइएको आयोजकले जनाएको छ ।
कार्यक्रममा अनुयायीहरूले १७० युनिट रक्तदान गरेका र १० नवजोडीको दाइजोमुक्त अन्तर्जातीय सामूहिक विवाह गराइएको थियो ।
दिवसमा ठूलो सङ्ख्यामा श्रद्धालुहरूको सहभागिता रहेको आयोजकको जनाएको छ । विकृतिहरूबाट मुक्त भएको स्वच्छ, सभ्य र सुखी समाज निर्माण गर्ने अभियानलाई सफल पार्ने सन्त रामपालको अठोटलाई साकार पार्न प्रत्येक वर्ष दिवसआयोजना हुने आयोजकले जनाएको छ ।
