प्रस, रौतहट, १५ भदौ/
दुर्गाभगवती गाउँपालिकाको गङ्गापिपरा बजारमा टिपरको ठक्करबाट एकजना गम्भीर घाइते भएका छन् ।
दुर्गाभगवती गापा–१ गङ्गापिपरा बजारमा शनिवार बिहान ९ः५० बजेको समयमा समनपुरबाट गौरतर्फ गइरहेको ना.८ख ३६६६ नम्बरको टिपरले ४५ वर्षीय रामअश्रे पासवानलाई ठक्कर दिंदा उनी गम्भीर घाइते भएका थिए ।
पासवानको दाहिने खुट्टाको माथिबाट टिपर गुडेपछि गम्भीर घाइते पासवानलाई स्थानीयहरूले उपचारको लागि बाग्मती अस्पतालमा पु-याएका थिए । प्राथमिक उपचारपछि घाइते पासवानलाई वीरगंज रेफर गरी पठाइएको छ ।
टिपर र चालक राहुल सहनीलाई इलाका प्रहरी कार्यालय, गङ्गापिपराले नियन्त्रणमा लिएको छ ।
