प्रस, वीरगंज, २३ साउन/
पर्सा र बारामा गरी बुधवार दुई स्थानमा सम्पन्न रक्तदान कार्यक्रममा आठजना महिलासहित १०८ जनाले रक्तदान गरेका रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
उनले छिपहरमाई गाउँपालिका–५ भिस्वामा हेल्पिङ युथ सोसाइटीले आयोजना गरेको रक्तदान कार्यक्रममा २५ जनाले रक्तदान गरेको बताए ।
सशस्त्र प्रहरी निरीक्षक दीपकराज बस्नेतले रक्तदान गरेर कार्यक्रमको शुभारम्भ गरेका थिए । कार्यक्रममा विजय थापामगर, सन्तोष साह, आफताब आलम, राजु साह कानू, अरविन्द महतोलगायतले रक्तदान गरेको बताए ।
यसैगरी, ग्लोबल बहुउद्देश्यीय सहकारी संस्था लि. कोल्हवी बाराले आयोजना गरेको रक्तदान कार्यक्रममा आठजना महिलासहित ८३ जनाले रक्तदान गरेको केन्द्रका प्राविधिक जीतेन्द्र कुशवाहाले बताए ।
कार्यक्रममा कलिता चौधरी, अम्सा खातुन, मनीता चौधरी, रीता चौधरी, शारदा चौधरी, कोपिला चौधरी, मञ्जु चौधरी, जीतेन्द्र चौधरी, अरुण कुर्मी, सरताज अनवर, अमित विक, राजन साह, प्रमोद जयसवाल, विनोद उप्रेती, विवेक श्रेष्ठ, दीपेन्द्र सुवेदी, रामनाथ सहनी, गणेश विक, सञ्जय जयसवाल,
टङ्क तिमिल्सिना, दीपेन्द्र सुवेदी, लेकबहादुर थापा र सुरज पौडेललगायतले रक्तदान गरेको प्राविधिक कुशवाहाले बताए ।
