महेन्द्रनगर (धनुषा), २० असार/रासस
मधेस प्रदेश सरकारका मुख्यमन्त्री सतीशकुमार सिंहले यही असार २२ गते विश्वासको मत लिने भएका छन्।
सरकार गठन भएको ३० दिनभित्र विश्वासको मत लिनुपर्ने संवैधानिक व्यवस्था अनुसार मुख्यमन्त्री सिंहले आगामी शनिवार प्रदेशसभामा विश्वासको मत लिन लागेका छन्।
मधेस प्रदेशसभामा चौथो ठूलो दलका रूपमा रहेको जनमत पार्टीका सिंहको नेतृत्वमा गत जेठ २५ गते प्रदेश सरकार गठन भएको थियो।
कुल १०७ सदस्य रहेको मधेस प्रदेशसभामा नेपाल कम्युनिस्ट पार्टी (एमाले)का २५, नेपाली काङ्ग्रेसका २२, जनमत पार्टीका १३, जनता समाजवादी पार्टीका १९, लोसपाका नौ, नेपाल कम्युनिस्ट पार्टी (माओवादी केन्द्र)का नौ, नेपाल कम्युनिस्ट पार्टी (एकीकृत समाजवादी)का सात प्रदेशसभा
सदस्य छन्। साथै राष्ट्रिय प्रजातन्त्र पार्टी, नेपाल समाजवादी पार्टी र नागरिक उन्मुक्ति पार्टीका एक/एक जना सदस्य छन्।
