दिनेशकुमार मिश्र, वीरगंज, १९ असार/
पोखरिया नगरपालिकामा बुधवार सम्पन्न जनप्रतिनिधि र कर्मचारीहरूबीचको मैत्रीपूर्ण फूटबल प्रतियोगितामा कर्मचारी विजयी भएका छन्।
जिल्ला उच्चाङ्गल रामदेव कलवार मावि पोखरियाको खेलमैदानमा आज भएको खेलमा दुवै पक्षले एक/एक गोलको बराबरी खेलेका थिए। त्यसपछि टाइब्रेकरमा कर्मचारीहरूले दुई गोल गरे भने जनप्रतिनिधिहरूले एक गोल मात्र गर्न सके। जनप्रतिनिधिहरूको नेतृत्व नगरप्रमुख प्रद्युम्न चौहान र कर्मचारीहरूको नेतृत्व निमित्त प्रमुख प्रशासकीय अधिकृत अजय श्रीवास्तवले गरेका थिए।
