काठमाडौं, ९ जेठ/रासस

स्वास्थ्य तथा जनसङ्ख्यामन्त्री प्रदीप यादवले बुधवार वीर अस्पतालमा छड्के अनुगमन गरेका छन् । आज दिउँसो १ बजे मन्त्रीसहित सचिव डा रोशन पोखरेललगायत कर्मचारी अनुगमनमा सहभागी भएका थिए ।

मन्त्री यादवले वीर अस्पतालको नयाँ भवनदेखि पुरानो भवनको अवलोकन गरे । त्यसपछि नजीकै रहेको राष्ट्रिय ट्रमा सेन्टरको समेत अवस्था बुझ्न गएका थिए । करीब तीन घण्टाको अनुगमनमा मन्त्री यादवले प्रत्यक्षरूपमा बिरामीलाई भेटेर स्वास्थ्य अवस्थाका बारेमा जानकारी लिएका थिए ।

अस्पतालको आकस्मिक कक्ष र ओपिटीमा सबैभन्दा बढी समस्या देखा परेको मन्त्री यादवले बताए । “देशभरकै बिरामीको उपचारको केन्द्र रहेको अस्पताल व्यवस्थित हुनुपर्छ,” उनले भने, “कतिपय कक्ष तथा सेवा व्यवस्थित नहुँदा बिरामीले दुःख पाउनुभएको छ । मुख्यतया जनशक्तिको अभाव देखिएको छ, यसले व्यवस्थापनमा समस्या देखिएको हो ।”

मन्त्री यादवले अस्पतालको सेवा थप प्रभावकारी बनाउन जनशक्तिको व्यवस्थापन तुरुन्तै गरिने बताए । शøया अभावका कारण एउटै शøयामा महिला र पुरुष राखेर उपचार गरेको समेत भेटिएको थियो ।

अस्पतालमा आएका सर्वसाधारणले सेवासुविधामा भोग्नुपरेका समस्या प्रत्यक्ष मन्त्री यादवसमक्ष राखेका थिए । अस्पतालको औषधिपसलमा घण्टौं लाइन लागेका सर्वसाधारणलाई मन्त्री यादवले समस्या के छ ? भन्दै सोधेका थिए । औषधिपसलमा टोकन सिस्टम नहुँदा घण्टौं लाइनमा बस्नुपर्ने बाध्यता रहेको सर्वसाधारणले बताएका थिए ।

मन्त्री यादवले औषधिपसलको लाइन व्यवस्थापन गर्न तुरुन्तै टोकन सिस्टम ल्याउन अस्पतालका उपकुलपति डा भुपेन्द्र बस्नेतलाई निर्देशन दिए । त्यस्तै, सर्वसाधारणले स्वास्थ्य बीमामार्पmत औषधि नपाएको गुनासो गरेका थिए ।

डा भुपेन्द्रले अनुगमनकै क्रममा सर्वसाधारणमाझ औषधि अभाव भएको स्वीकार गर्दै औषधि ल्याउने प्रक्रियामा रहेको र दुई साताभित्र स्वास्थ्य बीमाको औषधि आइपुग्ने जानकारी दिए । “औषधिको अभाव छ, हामी स्वीकार गर्छाैं,” उनले भने, “दुई सातभित्र औषधि अभाव पूर्ति गरेसँगै बीमासम्बन्धी हेर्ने छुट्टै डेस्कको व्यवस्थापनसमेत मिलाउनेछौं ।”

मन्त्री यादवले अनुगमनका क्रममा वीर अस्पतालको पछाडि थुप्रिएका प्रयोगविहीन भौतिक सामग्रीको तुरुन्तै व्यवस्थापन गर्नसमेत निर्देशन दिएका थिए ।

LEAVE A REPLY

Please enter your comment!
Please enter your name here