प्रस, वीरगंज, २८ फागुन/
राउन्ड टेबुल नेपाल पर्साको आयोजनामा सोमवार बाराको कलैया उपमहानगरपालिकाको भरतचोकमा रक्तदान कार्यक्रम सम्पन्न भएको छ ।
१० दिने रक्तदान कार्यक्रम अन्तर्गत सोमवार भरतचोकमा रक्तदान आयोजना गरिएको राउन्ड टेबलका अध्यक्ष आकाश सर्राफले बताए ।
कार्यक्रममा सपना कुमारी, हरेन्द्र महतो, साहिल सर्राफ, सुवास जयसवाल, आफताब आलम, आरजु अधिकारी, शीतल केशरी, नीरज पटेल, पप्पु अन्सारी, अमित पाण्डे, सुरेन्द्र मण्डल, सुमित कुशवाहालगायत तीनजना महिलासहित ५७ जना पुरुष गरी ६० जनाले रक्तदान गरेको रक्तसञ्चार केन्द्र, वीरगंजका प्राविधिक जीतेन्द्र कुशवाहाले बताए ।
यसैबीच, राउन्ड टेबुल नेपाल, पर्साले आज रक्तसञ्चार केन्द्र, वीरगंजलाई एक थान फ्रिज सहयोग गरेको छ ।
नेरेसो, पर्साका कोषाध्यक्ष महन्त यादवलाई राउन्ड टेबुलका अध्यक्ष सर्राफले फ्रिज हस्तान्तरण गरेका थिए ।
