नरेश यादव, पर्सागढी, १७ माघ/
बहुदरमाई नगरपालिका–६ गम्हरियामा माघी महाकुम्भ कवरथुवा काफ्ला विटोर महायज्ञ सम्पन्न भएको छ । वडाध्यक्ष प्रमोद साहले आयोजना गरेको मघानी विटोर महायज्ञमा भवानीपुर काफ्ला सङ्घ सहभागी थियो । हिजोदेखि शुरू महायज्ञमा करीब पाँच सय बाबा सहभागी थिए । उनीहरूका लागि हिजो रातभर भजनकीर्तनको आयोजना गरिएको थियो ।
वडाध्यक्ष साहले बुधवार बाबाहरूलाई गम्छा, धोती, कुर्ता, रुद्राक्ष र प्रशंसापत्रसहित बिदाइ गरे । उनले प्रत्येक वर्ष काफ्लामा गइरहेका तर हाल अशक्त भएर सहभागी हुन नसकेका बाबाहरूलाई पनि सम्मान गरेका थिए । बिदाइ कार्यक्रम काफ्ला सङ्घका जमदार मदनप्रसाद कुर्मीको अध्यक्षतामा भएको थियो भने स्वागत पूर्व प्रदेशसभा सदस्य राजेश्वरप्रसाद साहले गरेका थिए ।
