लागूऔषधसहित एकजना पक्राउ

प्रस, वीरगंज, ३ माघ/
जिल्ला प्रहरी कार्यालय, पर्साले लागूऔषधसहित एकजना रिक्शाचालकलाई पक्राउ गरेको जनाएको छ ।

मङ्गलवार राति वीरगंज–८ पानीटङ्की सडकखण्डमा प्रहरीले चेकजाँच गर्दा नुरफिन, फेनारगन र डाइजेल्याप पाँच/पाँच सय गरी १५०० एम्पुल फेला परेको जिल्ला प्रहरी कार्यालय, पर्साले जनाएको छ । लागूऔषधसहित रिक्शाचालक वीरगंज–१ छपकैया बस्ने ५० वर्षीय बबलुलाल कर्णलाई पक्राउ गरी लागूऔषधसम्बन्धी कसूरमा अनुसन्धान भइरहेको प्रहरीले जनाएको छ ।