प्रस, वीरगंज, २१ कात्तिक/
वीरगंज भेट्रान्स सिटी क्लब वीरगंजको आयोजनामा आदर्शनगर रङ्गशालामा जारी प्रथम वीरगंज गोल्डकप–२०८० को मङ्गलवार क्वाटर फाइनल चरणको खेल सम्पन्न भएको छ । अन्तिम क्वाटर फाइनलमा आज त्रिभुवन आर्मी क्लब काठमाडौंले झापा एएफसीलाई शुन्यविरूद्ध दुई गोल अन्तरले पराजित गरी सेमिफाइनलको यात्रा सुरक्ष्Fित गरेको छ ।
खेल शुरू भएको सातौं मिनेटमा त्रिभुवन आर्मीका नीरज साहले पहिलो गोल गरे भने मध्यान्तरपछिको १६औं मिनेटमा फत्तेमान घलेले दोस्रो गोल गरेका थिए । आजको खेलको म्यान अफ दि म्याच घले भएका थिए । भोलि बुधवारदेखि सेमिफाइनल चरणको खेल शुरू हुने र पहिलो सेमिफाइनलमा आयोजक भेट्रान्स सिटी क्लब वीरगंज र नेपाल पुलिस क्लब भिड्ने प्रवक्ता तिवारी यादवले बताएका छन् ।
