प्रस, सेढवा २१ कार्तिक/
जीराभवानी गाँउपालिका–३ मा जारी परसवा गोल्डकप–२०८० को आज सम्पन्न अन्तिम क्वार्टरफाइनलमा जय हिन्द एभरेष्ट क्लब इनरवा सेमिफाइनलमा प्रबेश गरेको छ ।
इनरवाले उमङ्ग युवा क्लब पकडीटोललाई शुन्यबिरूद्व एक गोल अन्तरले पराजित गरी सेमीफाइनलमा प्रबेश गरेको छ । प्रतिस्पर्धात्मक खेलमा मध्यान्तरपछिको ९औ मिनेटमा इनरवाका लियोले गरेको एक मात्र गोल आजको खेलको निर्णायक भयो । उनी नै मैन अफ दि म्याचबाट सम्मानित भए । आजका प्रमुख अतिथि तपसी दास थारूले लियोलाई पुरस्कृत गरेका थिए ।
अब इनरवाले सेमीफाइनलमा त्रिशुल युवा क्लब बकुलियासंग भिडने छ । यसअघि लिग चरणमा इनर्वाले बकुलियालाई हराएको थियो ।
भोली बुधवारदेखि सेमिफाइनल चरणको खेल शुरू हुने र पहिलो सेमीफाइनलमा प्रगतिशील यूवा समाज सेढवा र निचुटा यूथ क्लब भिडने आयोजक संस्थाका अध्यक्ष उमाकान्त चौधरीले बताए ।
