प्रस, सेढवा, २० कात्तिक/
जीराभवानी गाँउपालिका–३ मा जारी परसवा गोल्डकप २०८० मा निचुटा युथ क्लब सेमिफाइनलमा प्रवेश गरेको छ । निचुटाले सोमवार भएको क्वार्टरफाइनल खेलमा पञ्चम युवा क्लब, पटेर्वासुगौली देकुलीलाई दुई गोलका विरुद्व तीन गोलअन्तरले पराजित गरी सेमिफाइनलमा प्रवेश गरेको छ ।
खेलमा निचुटाको तर्फबाट जर्सी नं ८ का लक्ष्मण चौधरीले पहिलो गोल गरेका थिए । त्यस्तै, निचुटाका जर्सी नं १२ का राज भुसाल र ७ का सागर चौधरीले गोल गरेका थिए । पटेर्वासुगौली देकुलीको तर्फबाट जर्सी नं २५ का दीपेश चामलिङ राई र जर्सी नं ११ का अन्तर्राष्ट्रिय खेलाडी फैसलले एक/एक गोल गरेका थिए । आजको खेलमा निचुटाका जर्सी नं १२ का राज भुसाल ‘म्यान अफ दी म्याच’ घोषित भए । निचुटाले कात्तिक २२ गते बुधवार सेमिफाइनलमा सेढवाको सामना गर्नेछ ।
भोलि अन्तिम क्वार्टरफाइनल खेलमा भारतको जय हिन्द एभरेस्ट क्लब, इनर्वा र उमङ्ग युवा क्लब पकडीटोलबीच प्रतिस्पर्धा हुने आयोजक संस्थाका अध्यक्ष उमाकान्त चौधरीले बताए ।
