प्रस, वीरगंज, १८ कात्तिक/
कलैयामा सम्पन्न प्रिमियम लिग डे–नाइट क्रिकेट प्रतियोगिताको उपाधि जय माँ दुर्गा टीमले जितेको छ ।
भतौडा क्रिकेट क्लबद्वारा आयोजित प्रिमियन लिग डे–नाइट क्रिकेट प्रतियोगिता सिजन ३ मा आयोजक भतौडालाई छ विकेटले पराजित गर्दै जय माँ दुर्गा क्लबले उपाधि जितेको हो ।
फाइनलमा आयोजक भतौडाले पहिले ब्याटिङ गर्दै निर्धारित २० ओभरको खेलमा सबै विकेट गुमाएर ६० रनमा सीमित भएको थियो ।
प्रतिउत्तरमा जय माँ दुर्गा क्लबले चार विकेटको नोक्सानीमा लक्ष्य हासिल गर्दै विजयी भएको हो । विजयी टीमलाई नेपाली काङ्ग्रेस बाराका सभापति पूर्वनगरप्रमुख राजेशराय यादवले ३५ हजार नगद, शिल्ड, प्रमाणपत्र प्रदान गरे ।
यसैगरी, उपविजेतालाई २० हजार नगद, शिल्ड, प्रमाणपत्र, नगद प्रदान गरिएको थियो ।
कार्यक्रममा पूर्व प्रदेशसभा सदस्य पारस साह, जनमत पार्टी बाराका संयोजक शिव पटेल, माओवादीका नेता मुकेश साह, पूर्ववडाध्यक्ष विक्रम साह कानूलगायतको सहभागिता थियो ।
