प्रस, जीतपुर, १७ मङ्सिर/
ग्रासरूट फाउन्डेशनको आयोजनामा सिमरामा जारी अन्तरविद्यालय फूटबल प्रतियोगिताको शुक्रवार भएको खेलमा एक्स सर्भिसम्यान चिल्ड्रेन एकेडेमी र लोटस एकेडेमी विजयी भए ।
सिमरा रङ्गशालामा जारी प्रतियोगिताको दोस्रो दिन शुक्रवार दुई खेल भए । पहिलो खेलमा डुमरवानाको एक्स सर्भिसम्यानले नेपाल राष्ट्रिय मावि, औराहालाई शून्यका विरुद्ध एक गोलअन्तरले पराजित ग¥योे । एक्स सर्भिसम्यानका विशाल चौधरीले खेलको १९औं मिनेटमा गरेको गोल आजको पहिलो खेलको निर्णायक बन्यो ।
यसैगरी, दोस्रो खेलमा लोटस एकेडेमीले सेन्ट अल्फोन्सास स्कूललाई शून्यका विरुद्ध दुई गोलअन्तरले पराजित ग¥यो । लोटसका आकाश मोक्तान र दिलकुमार विकले एक/एक गोल गरेका थिए ।
भोलि शनिवार पनि दुई खेल हुनेछन् । पहिलो खेल नेपाल राष्ट्रिय मावि, पथलैया र नेपाल राष्ट्रिय मावि, सिमरा तथा दोस्रो खेल होली गार्डेन इङ्ग्लिश स्कूल, पथलैया र ब्राइटर एकेडेमी स्कूल, सिमराबीच हुने आयोजक ग्रासरूट फाउन्डेशनका अध्यक्ष दुर्गाबहादुर थापाले बताए ।
