प्रस, वीरगंज, २३ कात्तिक/
नेकपा एमाले जीतपुरसिमरा उपमहानगर–१४ को वडा अधिवेशन सम्पन्न भएको छ। रजघट्टामा भएको वडा अधिवेशनले यमनाथ ढकालको अध्यक्षतामा ४१ सदस्यीय वडा कमिटी गठन गरेको छ।
कमिटीको उपाध्यक्ष तेजनारायण चौधरी, सचिव चोलानाथ आचार्य, सहसचिव सागर पाण्डे र असलीमाया बम्जनलगायत सदस्य छन्। वडा अधिवेशनमा एमालेका केन्द्रीय सदस्य अच्युत मैनाली, प्रदेश २ का अध्यक्ष ज्वाला साह, पूर्वमन्त्री पुरुषोत्तम पौडेल, एमाले बाराका अध्यक्ष देवनारायण चौधरी, स्थानीय नेता पलट चौधरी, किशोर शर्मा, मनोज पौडेल, घनश्याम शिवाकोटी, लक्ष्मी नेपाली, चैयन गुरुङ, झपेन्द्र बरालले अधिवेशनको सफलताको लागि शुभकामना व्यक्त गरेका थिए। यमनाथ ढकालको अध्यक्षतामा भएको कार्यक्रममा रुद्र न्यौपानेले स्वागत र चोलानाथ आचार्यले सहजीकरण गरेका थिए।
