प्रस, वीरगंज, २२ कात्तिक/
छठपूजाको अवसरमा वीरगंजको दुई स्थानमा सोमवार भएको रक्तदान कार्यक्रममा पाँचजना महिलासहित ११३ जनाले रक्तदान गरेका छन्।
घडीअर्वा स्पोटर््स क्लबले घडीअर्वा पोखरी परिसरमा आयोजना गरेको रक्तदान कार्यक्रममा २ महिलासहित ७८ जनाले रक्तदान गरेको रक्तसञ्चार केन्द्र वीरगंजका प्राविधिक डिल्लीमाया घिमिरेले बताइन्। क्लबका अध्यक्ष लखन गुप्ताको अध्यक्षता तथा नगरप्रमुख विजयकुमार सरावगीको प्रमुख आतिथ्यमा सम्पन्न रक्तदान कार्यक्रममा सुशील साह कानू, मनोहर साह, दीपेन्द्र गुप्ता, पूनम गुरुङ, खुशी श्रेष्ठ, सन्तोष महरा र अजीत मियाँलगायतले रक्तदान गरेका थिए।
यसैगरी छठ पूजा समिति वीरगंज–१८ सौराहामा भएको रक्तदान कार्यक्रममा तीनजना महिलासहित ३५ जनाले रक्तदान गरेको केन्द्रका प्राविधिक प्रमुख सौरभराज पाण्डेले बताए। समितिका अध्यक्ष सुनील साहको अध्यक्षतामा भएको कार्यक्रममा वीरेन्द्र पटेल, राजेश यादव, सुरेश कानू, राकेश यादव, दिलीप यादव, सविता पटेललगायतले रक्तदान गरेका थिए।
