लागू औषधसहित एकजना पक्राउ

प्रस, वीरगंज, १ कात्तिक/

इलाका प्रहरी कार्यालय सिमराको गस्ती टोलीले हिजो आइतवार अपराह्न ४ बजे चेकजाँच गर्दा एकजनालाई लागूऔषध नाइट्रोभेट ट्याबलेटसहित पक्राउ गरेको छ ।

जीतपुरसिमरा उपमहानगरपालिका–७ स्थित बकुलिया गाउँबाट जीतपुर बजारतर्फ जाने क्रममा बकुलिया गाउँको चोकमा वडा नंं ८ निवासी २० वर्षीय विशाल चौधरीलाई ३५० थान लागूऔषध नाइट्रोभेटसहित पक्राउ गरेको हो ।

गहुँको पीठोभित्र लुकाइराखेको अवस्थामा चेकजाँच गर्दा सो परिमाणको लागूऔषध फेला परेको प्रहरीले जनाएको छ ।