प्रस, वीरगंज, २३ असोज/
राष्ट्रिय सरोकार मञ्च नेपाल नारायणी र क्रियाशील पत्रकार मञ्च पर्साले संयुक्तरूपमा वीरगंज उद्योग वाणिज्य सङ्घका अध्यक्ष सुबोध गुप्तालाई सम्मान गरेको छ ।
फ्रान्सको युरोपियन इन्टरनेशनल युनिभर्सिटीद्वारा ग्लोबल लिडरशिप एन्ड म्यानेजमेन्टमा ‘प्रोफेशनल डक्टरल’ सर्टिफिकेटबाट सम्मानित भएका अध्यक्ष गुप्तालाई शनिवार सरोकार मञ्चका अध्यक्ष नन्दकिशोर गोयल र पत्रकार मञ्चका अध्यक्ष प्रणय साहले दोसल्ला, टोपी र सम्मानपत्रसहित सम्मानित गरेका थिए ।
मञ्चका अध्यक्ष गोयलको अध्यक्षतामा भएको कार्यक्रममा नेपाल पत्रकार महासङ्घका प्रदेश महासचिव श्याम बन्जारा, प्रहरी उपरीक्षक बेलबहादुर पाण्डे, राष्ट्रिय अनुसन्धानका उपनिर्देशक टीका पोखरेल, वीरगंज उद्योग वाणिज्य सङ्घका वरिष्ठ उपाध्यक्ष अनिल अग्रवाल, नेपाल पत्रकार महासङ्घ पर्साका अध्यक्ष अनुप तिवारीलगायतले शुभकामना मन्तव्य व्यक्त गरेका थिए । कार्यक्रमको सहजीकरण सूर्यनारायण विकले गरेका थिए ।
