वाशिङ्टन, १९ भदौ/सिन्ह्वा
संयुक्त राज्य अमेरिकामा पछिल्लो समयमा कोभिड–१९ का सङ्क्रमित बढ्दै गएको पाइएको छ। यहाँको यससम्बन्धी निकाय सेन्टर्स फर डिजिज कन्ट्रोल एन्ड प्रिभेन्सनले सो कुरा बताएको छ। उक्त निकायका अनुसार यहाँ पछिल्लो हप्तामा दिन प्रतिदिन कोभिड–१९ का सङ्क्रमित बढ्दै गएको देखिएको छ ।
जसमा पछिल्लो हप्ता हरेक दिन कम्तीमा पनि एक लाख ५० हजारजना मानिसमा यो सङ्क्रमण देखिएको छ । यो सङ्ख्या हरेक दिन बढेको पछिल्लो हप्ताको सबैभन्दा धेरै हो र यो अघिल्लो हप्ताको तुलनामा करीब पाँच प्रतिशतले बढ्दो छ । यहाँ बुधवारसम्मको तथ्याङ्क हेर्दा तीन करोड ९४ लाख ८८ हजारजनामा यो सङ्क्रमण देखिएको छ ।
यो हप्तामा अस्पताल भर्ना प्रतिशत पनि बढेको छ । पछिल्लो हप्ता अर्थात् अगस्त २५ देखि ३१ सम्मको अवस्था हेर्दा यहाँका १२ हजार १५६ जना अस्पताल भर्ना भएका छन् । यो प्रतिशत अघिल्लो हप्ताको भन्दा १.७ प्रतिशतले बढी हो । त्यसैगरी, यो हप्ता यहाँका एक हजार ४७ जनाको यो सङ्क्रमणबाट निधन भएको छ ।
यो सङ्ख्या योभन्दा अघिल्लो हप्ताको तुलनामा ३.७ प्रतिशतले बढी हो । यसरी अमेरिकामा पछिल्लो हप्तामा सङ्क्रमित हुने, अस्पताल भर्ना हुने तथा मृत्यु हुनेको सङ्ख्या पनि बढ्दो देखिएको समाचारमा जनाइएको छ । रासस
