प्रस, पोखरिया, १२ भदौ/
पोखरिया नगरपालिका–९ सेमरवारीमा रहेको धर्मशालामा शनिवार वृक्षारोपण गरिएको छ ।
नयाँ जनशक्ति युवा क्लब पोखरियाको आयोजना तथा वीरगंजका व्यवसायी सत्यनारायण क्याल र गणेश लाठको सहयोगमा वृक्षारोपण तथा पक्की कुर्सी निर्माण गरिएको क्लबका अध्यक्ष रामबाबू चौहानले बताए । उनले धर्मशालामा आउनेहरूलाई थकान मार्नका लागि र यात्री प्रतीक्षालयसमेतमा काम लाग्ने गरी पक्की कुर्सी निर्माण गरिएको बताए ।
कार्यक्रममा लोकतान्त्रिक समाजवादी पार्टीका नेता नेजामुद्दीन समानी, राजनारायण कुर्मी, जयनारायण यादवलगायतको सहभागिता थियो ।
