प्रस, परवानीपुर, ५ भदौ/
कलैया उपमहानगरपालिकामा एकजना दलित महिला जनप्रतिनिधिलाई खम्बामा बाँधेर कुटपिट गरेको घटनामा एकजनालाई प्रहरीले पक्राउ गरेको छ ।
गत बुधवार राति ती महिला जनप्रतिनिधिलाई घरबाट नियन्त्रणमा लिएर खम्बामा बाँधेर कुटपिट गरेको घटना सार्वजनिक भएपछि घटनामा संलग्न एकजनालाई प्रहरीले पक्राउ गरेको र सातजना फरार रहेका छन् । कउमनपा–२७ कि दलित महिला सदस्य तारादेवी पासवानले छिमेकी एकजना केटीलाई अर्कै केटासँग भगाउन सघाएको आरोपमा स्थानीय जोगिन्द्र साहलगायतले कुटपिट एवं दुव्र्यव्यहार गरेका थिए ।
घटना सार्वजनिक भएपछि प्रहरीले पासवानको उद्धार गरेको र कुटपिटमा संलग्न जोगिन्द्र साहलाई पक्राउ गरेको बारा प्रहरीले जनाएको छ ।
सो घटनामा साहलाई सघाउने सातजना हाल फरार छन् । उनीहरूको खोजी कार्य भइरहेको प्रहरीले बताएको छ ।
