प्रस, महोत्तरी, २३ असार/
महोत्तरी जिल्लाको मटिहानी नगरपालिका वडा नं ९ मा सर्पदंशबाट एकजना महिलाको मृत्यु भएको छ।
स्थानीय सुशील सहनीकी पत्नी २४ वर्षीया विभादेवी सहनीको मृत्यु भएको महोत्तरीका प्रहरी नायब उपरीक्षक प्रकाश विष्टले जानकारी दिएका छन्।
मङ्गलवार राति करीब ९ बजे खाना पकाउने क्रममा सहनीलाई विषालु सर्पले डसेको थियो। उनलाई उपचारको लागि सदरमुकाम लैजाँदै गर्दा बाटोमैं मृत्यु भएको मृतकका पति सुशीलले बताए।
