मटिअर्वामा लाखौंको लुटपाट

0

प्रस, लहान, २८ वैशाख/

लहान नगरपालिका–१ सिग्राही मटिअर्वास्थित इन्द्रदेव ठाकुरको घरमा अज्ञात समूहले लाखौंको धनमाल लुटपाट गरेको छ।

मध्यरात सात/आठजनाको समूहमा आएका लुटेराहरूले नगद रु ६ लाख र गरगहनासमेत गरी करीब रु १० लाख मूल्य बराबरको धनमाल लुटेको पीडितले बताए।

लुटेराहरू छत हुँदै घरमा प्रवेश गरेको र आफ्ना दुर्ई छोराको कञ्चटमा पेस्तोल राखी दराजको साँचो खोसेर नगद रु ६ लाख र छोरी–बुहारीले लगाएको २ तोला जति सुन र २० तोला चाँदी लुटेर लगेको ठाकुरले जानकारी दिए।

लुटेराले घरका सबै सदस्यको मोबाइल कब्जामा लिएका कारण प्रहरीलाई खबर गर्न नसकिएको ठाकुरको भनाइ छ।

लुटेराहरू गइसकेपछि घटनाबारे छिमेकी र प्रहरीलाई जानकारी गराएको उनले बताए। घटनाबारे अनुसन्धान भइरहेको इलाका प्रहरी कार्यालय लहानका प्रहरी नायब उपरीक्षक डा तपनकुमार दाहालले जानकारी दिए।

Website | + posts

LEAVE A REPLY

Please enter your comment!
Please enter your name here