पटेर्वासुगौली गोल्डकप ः वीरगंज युनिटी फाइनलमा प्रवेश

0

प्रस, सेढवा, २६ माघ/
पटेर्वासुगौली गाउँपालिकामा समता समाज नेपालद्वारा आयोजित प्रथम पटेर्वासुगौली गोल्डकपको अन्तिम सेमिफाइनल खेलमा वीरगंज युनाइटेडलाई एक गोलअन्तरले पराजित गर्दै वीरगंज युनिटी फाइनलमा प्रवेश गरेको छ। आज भएको रोमाञ्चक खेलमा मध्याह्नअघि कसैले पनि गोल गर्न सकेको थिएन। मध्याह्नपछि र खेल समाप्तिको दश मिनेटअघि वीरगंज युनिटीका विमल रानामगरले गरेको एकमात्र गोल निर्णायक साबित भयो। जीतसँगै वीरगंज युनिटी फाइनलमा प्रवेश गरेको छ। हिजो फाइनलमा पुगेको गढीमाई युथ क्लब अपौनी र वीरगंज युनिटी उपाधिको लागि माघ २८ गते बुधवार भिड्नेछन्। आजको खेलमा गोलकर्ता मगर म्यान अफ दि म्याच घोषित भए।

Website | + posts

LEAVE A REPLY

Please enter your comment!
Please enter your name here