रतनपुरीमा गाँजा फँडानी

0

प्रस, निजगढ, १६ मङ्सिरर
जिल्ला प्रहरी कार्यालय बाराले निजगढ नपा वडा नं १२ रतनपुरीमा गाँजाखेती नष्ट गरेको छ।
चुरे पहाड र सो आसपासमा लगाइएको गाँजाखेती नष्ट गर्न जिल्ला प्रहरी कार्यालय बाराका प्रमुख  एवं प्रहरी उपरीक्षक कृष्णप्रसाद पङ्गेनीको नेतृत्वमा मङ्गलवार बिहान जिल्ला प्रहरी, इलाका प्रहरी निजगढ र रतनपुरी अस्थायी प्रहरी चौकीको प्रहरी टोली परिचालित भएका थिए।
आज निजगढ नपा–१२ को लालटोल र कुलियामा गरी लगभग ३ बिघा १० कट्ठा क्षेत्रफलको गाँजाखेती नष्ट गरिएको जिप्रका बाराका प्रवक्ता प्रहरी नायब उपरीक्षक गौतम मिश्रले जानकारी दिए। वरिपरि मकैबारी र बीचमा गाँजाखेती गरिएको पाइएको भन्दै प्रहरीले त्यस्ता स्थानहरूको पहिचान गरी नष्ट गर्ने अभियान शुरू गरेको प्रउ पङ्गेनीले बताए।
बाराको सिमरा, चुरे पहाड र मकवानपुरमा प्रहरीले बर्सेनि गाँजाखेती नष्ट गर्दै आइरहेको भएपनि बर्सेनि सो क्षेत्रका किसानहरूले गाँजाखेती गर्दै आएका छन्। अवैध खेती गर्ने र जग्गा उपलब्ध गराउने जग्गाधनीलाई नियन्त्रणमा लिई कानूनी कारबाही नगर्दासम्म उनीहरू हतोत्साहित नहुने चुरे क्षेत्रका नागरिक अगुवाहरूको ठहर छ। मकवानपुर र बाराको सीमा क्षेत्र तथा चुरे आसपासमा यस वर्ष २० बिघाभन्दा बढी क्षेत्रफलमा गाँजाखेती मौलाइरहेको समाचार स्रोतको दाबी छ।

Website | + posts

LEAVE A REPLY

Please enter your comment!
Please enter your name here