पटेर्वासुगौली, ठोरी, जीराभवानी र निजगढमा अस्पतालको शिलान्यास

0

प्रस, पंचगावाँ/
पटेर्वासुगौली गाउँपालिकामा १० शøयाको अस्पतालको सोमवार एक कार्यक्रमबीच शिलान्यास गरिएको छ।
गापा अध्यक्ष हरिनारायण चौधरीले पटेर्वासुगौली गापा–४ फरदवामा अस्पताल निर्माण कार्यको शिलान्यास गरेका हुन्। १० करोड रुपैयाँको लागतमा १ बिघा क्षेत्रफलमा तीन तले अस्पताल निर्माण कार्य दुई वर्षभित्र सम्पन्न गरिने निमित्त प्रमुख प्रशासकीय अधिकृत भुजेन्द्रप्रसाद यादवले बताए।
अस्पताल निर्माणको लागि पहिलो किस्ताबापत रु ८५ लाख बजेट विनियोजन भएर आएको उनले जानकारी गराए। अस्पताल निर्माणपछि गापामा स्वास्थ्य सेवा सहज हुने र सदरमुकाम वीरगंज जानुपर्ने अवस्था नरहने गापा अध्यक्ष्F चौधरीले बताए। कार्यक्रममा उपाध्यक्ष्F ममता महतो, वडाध्यक्ष फरमान मियाँ, मोतीलाल साहलगायत जनसहभागिता थियो।
प्रस, ठोरी/
ठोरी अस्पतालको सोमवार शिलान्यास भएको छ। गाउँपालिका अध्यक्ष पद्मलाल श्रेष्ठले वडा २ स्वास्थ्य चौकी परिसरमा अस्पताल निर्माणका लागि शिलान्यास गरेका हुन्।
प्रदेशको ३९६ वटा स्थानमा आज अस्पताल शिलान्यास गर्ने कार्यक्रम अन्तर्गत ठोरीमा १५ शøया अस्पतालको शिलान्यास गरिएको हो। शिलान्यास गर्दै गापा अध्यक्ष श्रेष्ठले ठोरीमा अस्पताल बन्ने कुरामा सबैलाई आशङ्का रहेको बेला पहिलो चरणमा ठोरीमा अस्पतालको शिलान्यास भएर आशङ्का हटाएको बताए। उनले अस्पताल निर्माणपछि स्वास्थ्यमा सबैको पहुँच बढ्ने विश्वास व्यक्त गरे। उनले अस्पतालबाट ठोरीका साथै चितवन र भारतीय नागरिक पनि लाभान्वित हुन सक्ने बताए।
उनले ठोरीको स्वास्थ्य चौकी अस्पतालमा औषधि अभाव हुन नदिने प्रतिबद्धता जाहेर गरे। गापा अध्यक्ष श्रेष्ठले आफ्नो गापाले पर्सा जिल्लाको अन्य पालिकाभन्दा विकासमा ठूलो फडको मारेको दाबी गरे। जनप्रतिनिधिहरू एक ढिक्का भएर अघि बढेको कारण देशको नमूना पालिका बनाउने उनले घोषणा गरे। लोभ–लालचभन्दा पनि विकास निर्माणको कामलाई आफ्नो पालिकाका जनप्रतिनिधिहरूले प्राथमिकता दिएकोमा उनले खुशी व्यक्त गरे।
वडाध्यक्ष किशोर तामाड्ढो अध्यक्षतामा आयोजित कार्यक्रममा वडाध्यक्ष रामप्रकाश कुँवर, अमृतकृष्ण सापकोटा, वडा सदस्यहरू श्यामहरि शर्मा, सरिता विक, मैना भण्डारी, स्वास्थ्य संयोजक रमेशराज थिङ, सरस्वती माविका प्रअ केशवप्रसाद रेग्मीलगायतले मन्तव्य व्यक्त गरेका थिए।
प्रस, सेढवा/
जीराभवानी गाउँपालिका–२ सेढवामा १० शøयाको अस्पतालको शिलान्यास भएको छ। गापा अध्यक्ष रामप्रीत महतोले अस्पतालको शिलान्यास गरेका हुन्।
सेढवामा रहेको स्वास्थ्य चौकीबाट यस अघि ठोरी, जगरनाथपुरका सेवाग्रहीले पनि स्वास्थ्य उपचार गराउँदै आएका थिए। अस्पताल निर्माणपछि गापामा स्वास्थ्य सेवा झनै प्रभावकारी हुने अध्यक्ष महतोले बताए। केन्द्रीय योजना अन्तर्गत अस्पताल निर्माण भएको हो।
शिलान्यास कार्यक्रममा स्वास्थ्य संयोजक सफिकुल अन्सारी, सेढवा माविका प्रअ जितेन्द्रप्रसाद गौरो, सेढवा स्वास्थ्य चौकीका इन्चार्ज ज्ञानकिशोर प्रसादलगायत जनप्रतिनिधिहरूको सहभागिता थियो।
प्रस, निजगढ/
निजगढ नगरपालिका–९ स्थित प्राथमिक स्वास्थ्य केन्द्रको हातामा सोमवार १५ शøयाको अस्पताल शिल्यान्यास भएको छ।
कार्यक्रमका प्रमुख अतिथि तथा नगरप्रमुख सुरेशकुमार खनालले प्रत्यक पालिकामा अस्पताल बनाउने सङ्घीय सरकारको कार्यक्रमलाई खुलेर प्रशंसा गरे। सङ्घीय सरकारले स्थानीय तहहरूमा आधारभूत स्वास्थ्य सेवा उपलब्ध गराउने उद्देश्यका साथ अस्पताल निर्माण गर्न बजेट विनियोजन गरेसँगै अस्पताल निर्माण कार्य अघि बढाइएको हो।
सरकारले गरेको यस स्वास्थ्य अस्पताल निर्माणले लोकतन्त्र, गणतन्त्र अझै बलियो हुने विश्वास जनतामा पैदा भएको खनालले बताए। सङ्घीय सरकार वा प्रदेश सरकारले ल्याएको जुनसुकै विकास निर्माण कार्यलाई स्थानीय तहहरूले सकारात्मकरूपमा लिएको प्रमुख खनालले बताए।
कार्यक्रमकी विशिष्ट अतिथि एवं नगर उपप्रमुख लीलादेवी लामिछानेले न्यूनतम आधारभूत स्वास्थ्यबाट कोही पनि वञ्चित नहोस् भन्ने उद्देश्यले सङ्घीय सरकारले रकम विनियोजन गरी ल्याएको योजनाले जनताप्रति सरकार उत्तरदायी छ भन्ने अनुभूति दिएको बताइन।
निजगढमा बन्ने अस्पतालको अनुमानित लागत १८ करोड ६ सय रुपियाँ छ। उक्त अस्पताल ४१ कोठे दुई तल्ले पक्की भवन हुनेछ। बढीमा दुई वर्षभित्र राष्ट्रिय भवन संहिता बमोजिम भवन निर्माण सम्पन्न गर्नुपर्नेछ। त्यसका लागि स्थानीय तहहरूलाई ३ करोड ३० लाखका दरले पहिलो किस्ता निकासा भएको निजगढ नपाले जनाएको छ।
निजगढ नगरपालिकासहित बाराको विभिन्न ४ वटा स्थानीय तहमा सोमवार एकै दिन उद्घाटन भएको छ। जिल्लाको कोल्हवी नगरपालिका, फेटा गाउँपालिका र सुवर्ण गाउँपालिकामा पनि १५/१५ शøयाको सुविधा सम्पन्न अस्पताल भवन शिलान्यास हुँदैछ। चारवटा अस्पताल निर्माणको कुल लागत ७२ करोड २ हजार ७२८ रुपियाँ छ।

Website | + posts

LEAVE A REPLY

Please enter your comment!
Please enter your name here