प्रस, पर्सागढी, ३ असोज/
पर्सागढी नगरपालिका–४ परशुरामपुर निवासी ६० वर्षीय सकुर देवान शनिवार बिहान मृत फेला परे ।
मृतावस्थामा शनिवार बिहान वीरगंज महानगरपालिका–३१ भेडाहा खोलानजीक देवान फेला परेको प्रहरी चौकी बिरुवागुठीले जनाएको छ । मृतक सकुरका छोरा जावदे देवानले बुबा गएरातिदेखि नै घर नआएको र एक्कासि बिहान उनी मृत फेला परेको सूचना पाएको बताए ।
प्रहरी चौकी बिरुवागुठीले मृत्यु वा हत्याबारे तत्काल भन्न नसकिने जनाएको छ । शल्यपरीक्षणको लागि शव नारायणी अस्पताल पठाइएको र सोको रिपोर्ट आएपछि वास्तविकता खुल्ने प्रहरीले जनाएको छ ।
