बज्जिकाको ४०औं साहित्य गोष्ठी सम्पन्न

121

प्रस, गरुडा, २१ भदौ/
    बज्जिका साहित्य सङ्गम रौतहटको चालीसौं साहित्य गोष्ठी सम्पन्न भएको छ।
    सङ्गमका अध्यक्ष श्याम सहनी चन्द्रांशुको अध्यक्षतामा गरुडा नपा–५ महम्मदपुरस्थित आँप–बगैंचामा सम्पन्न गोष्ठीमा सहभागी हरेक सर्जक पर्याप्त सामाजिक दूरी राखी भुइँमा बोरा ओछ्याएर बसेका थिए।
    कोठामा कार्यक्रम गर्दा कोरोना सङ्क्रमण हुने त्रासले खुला आँप–बगैंचामा गरिएको संस्थाका कोषाध्यक्ष किशुनदयाल यादव श्रीकृष्णले बताएका छन्।
    कार्यक्रममा सर्लाहीका बज्जिका साहित्यकारद्वय सञ्जय सुदामा, रूपेश पटेलका साथै सङ्गीता सहनी, रेणु गुप्ता, शेख चाँद अलि, केदार यादव, सञ्जय मित्र, मनोजकुमार चौधरी, श्याम चन्द्रांशु, किशुनदयाल यादव श्रीकृष्णलगायतले कविता, मुक्तक, कथा तथा गीत वाचन गरेका थिए।
    गत फागुनमा कार्यक्रम सम्पन्न भएपछि कोरोनाको कारण बन्द रहेको नियमित साहित्य गोष्ठी नयाँ परिवेशमा नयाँ किसिमले सुरुआत गरिएको र अब फेरि कार्यक्रमले नियमितता पाउने अध्यक्ष चन्द्रांशुले बताएका छन्।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्