रामको परिवारलाई सहयोग

प्रस, रौतहट, १२ भदौ/
नेपाली काङ्ग्रेस रौतहटले गरुडा नगरपालिका–८ जिङ्गडियाका विजयराम चमारको प्रहरी यातनाबाट मृत्यु भएपछि उनको परिवारलाई आर्थिक सहयोग गरेको छ।
नेका रौतहटले चमारका परिवारलाई रु १ लाख १० हजार नगद सहयोग गर्दै दोषी प्रहरीलाई कारबाई गर्न माग गरेको छ। उनले घटनाका दोषी प्रहरीलाई कारबाई हुनुपर्ने मागमा नेका रौतहट प्रतिबद्ध रहेको बताए। चमारको भदौ ४ गते बिहान एक बजे मृत्यु भएको थियो। उनको मृत्यु प्रहरी यातनाबाट भएको नेकाको ठहर छ। यस सम्बन्धमा निष्पक्ष छानबीन भएको छैन।