८० किलो गाँजा बरामद, तस्कर फरार

प्रस, सिम्रौनगढ, ६ भदौ/
    सशस्त्र प्रहरीले बाराको पचरौता नगरपालिका–८ लङ्डाचोकबाट ठूलो मात्रामा लागूऔषध गाँजा बरामद गरेको छ।
    शुक्रवार राति आठ बजे प्रदेश २ वाहिनीबाट खटेको सशस्त्र प्रहरीले ८० किलो गाँजा नियन्त्रणमा लिएको थियो। प्रहरीलाई देखेपछि गाँजा तस्करहरू फरार भएका थिए। चारवटा पोकामा रहेको सो गाँजा इलाका प्रहरी कार्यालय, सिम्रौनगढमा बुझाइएको प्रहरीले जनाएको छ।