प्रस, वीरगंज, १४ जेठ/
महिलाहरूको सीप विकास र स्वरोजगार अभिवृद्धिको लक्ष्यसहित रोटरी क्लब, वीरगंजले आयोजना गरेको सात दिने मेहदी तालीम बुधवार सम्पन्न भएको छ ।
रोटरी क्लब वीरगंजका अध्यक्ष निर्मल खत्रीले सहभागीहरूलाई प्रमाणपत्र वितरण गर्दै तालीमले महिलाहरूलाई आफ्नै खुट्टामा उभिन सहयोग गर्ने बताए । उनले विशेषगरी गरीब तथा विपन्न वर्गका महिलाहरूलाई लक्षित गरी तालीम प्रदान गरिएको र यसले स्वरोजगारतर्फको यात्रा सहज बनाउने दाबी गरे ।
क्लबकी सदस्य तथा तालीम संयोजक श्वेता गुप्ताले महिलालाई आत्मनिर्भर बनाउने प्रयासस्वरूप सात दिने मेहदी तालीम आयोजना गरिएको बताइन् । उनले सीप सिकेर महिलाहरू आर्थिकरूपमा सबल बन्ने दाबी गरिन् ।
तालीममा सृजना चौधरी, शबाना खातुन र रञ्जना चौधरीले सहभागीहरूलाई व्यावसायिक मेहदी कला सिकाएका थिए ।
कार्यक्रममा क्लबका उपाध्यक्ष अमित गुप्ता, सदस्यहरू डा प्रेरणा प्रियदर्शिनी, पूजा खत्री, कल्पना भगत, श्वेता अग्रवाल, कृति चौधरी, दीपा रूँगटालगायतको सहभागिता थियो ।
