प्रस, वीरगंज, ११ भदौ/
वीरगंजमा निजी अस्पतालहरूमा कार्यरत एमबिबिएस चिकित्सकहरूले भदौ १४ गतेसम्मको लागि आन्दोलन स्थगित गरेका छन्।
एमबिबिएस चिकित्सकका अध्यक्ष डा सरोज साह र निजी अस्पतालहरूको संस्था अफिमका अध्यक्ष्F रामराज श्रेष्ठ, नेपाल मेडिकल एशोसिएशन नारायणीका महासचिव डा उदयनारायण सिंह र जिल्ला प्रशासन कार्यालय, पर्साका प्रमुख जिल्ला अधिकारी आसमान तामाङको सहभागितामा सम्पन्न बैठकबाट भदौ १४ गतेसम्मको लागि आन्दोलन स्थगित गर्ने सहमति बनेको डा तेजनाथ तिवारीले बताए।
वीरगंजका निजी अस्पतालहरूमा कार्यरत १५० जना चिकित्सकहरू ५ सूत्रीय मागसहित भदौ ९ गतेदेखि आन्दोलनमा उत्रेका थिए। तलब सुविधा मासिक न्यूनतम रु ६५ हजार हुनुपर्ने, रु २५ लाखको बीमालगायत कोरोना र त्यससँग सम्बन्धित स्वास्थ्य सुरक्षा मापदण्डको माग गर्दै निजी चिकित्सकहरू आन्दोलित भएका थिए। प्रमुख जिल्ला अधिकारीको अगुवाइमा भएको बैठकमा निजी अस्पतालको संस्था अफिमका अध्यक्ष श्रेष्ठले एक साताको समय माग गरेका थिए। त्यसमा निजी चिकित्सकहरू असमर्थ भएपछि प्रजिअले भदौ १४ गतेसम्म माग सम्बोधन गर्नेगरी आन्दोलन स्थगित गर्न आग्रह गरेको र सो आग्रहलाई निजी चिकित्सकहरूले स्वीकारेका थिए।
निजी अस्पतालका चिकित्सकको आन्दोलन भदौ १४ सम्म ट–यो
Leave a Reply
हाम्रो बारेमा
